呢度耐不耐都會同大家分享吓唔同嘅商品資訊，今期嘅主題係：
乜嘢係GK公仔/模型?
多年前就已經掀起GK公仔/模型熱潮，尤其台灣與國內神級玩家，收藏絕對係用誇張嚟形容，
點解會有咁多人咁瘋狂呢？
「GK」為英文「Garage Kit」的縮寫，原義為歐美地區有一部份玩家喺自家後院、車庫當成工作室然後製作出嚟嘅物品，而其後衍生為模型玩家利用樹脂、石膏、矽膠…等各種材料自製、並且喺屋企少量翻模複製生產自行創作嘅模型商品。 呢個就係「Garage Kit」嘅由來。
同一般市面出售「一番賞」、「盒玩」公仔唔同在於材質、細緻度、價格、重量等，並會設限量販售，亦有人簡單話，大嘅一番賞你單手拎得起，而同size嘅GK你有可能兩隻手先勉強拎得起。至於而家只要提到GK嘅話大部分人諗到嘅會係One Piece、龍珠、鬼滅、咒術迴戰等熱門嘢，體積大、動作誇張、超有氣勢、背景同配件都非常華麗嘅雕像商品為主。不過亦有好多人話呢啲係偽GK，原型師整嘅未上色白模又或官方授權嘅先係。
除咗細型GK，亦有分唔同比例如常見嘅1:6，1:4更甚去到1:1兩米高size，所以亦好多人話GK係空間殺手。新手通常會被巨型外盒嚇到，開箱有唔同組裝件，大型GK組裝最少花幾個鐘，要睇住說明書或視頻嚟砌，基本會採用磁吸式嘅卡榫，底座嵌有LED燈座插電，遙控開關，正常有分常亮、閃爍 (俗稱呼吸燈) 或其他唔同模式。
補充一樣嘢，大部分GK商品並唔係官方原廠發行，冇版權，而有版權嘅GK你預最少五六千起步。
GK原模/正模 VS 翻模
雖然大部份GK都唔係官方正版授權，但係都會有原模/正模同翻模嘅分別 (亦有人會叫呢啲翻模做組国版)。
最簡單翻模係用已出嘅原模GK做一個模具，再生產出嚟，所以個size都會輕微細些少，除咗價錢平好多，面相，背景，組件精細度當然都會大打折扣啦。
而正常一個原模模具製作GK嘅件數會有上限，舉例廿隻咁計，就唔可以再用，因為其後嘅精細度會過唔到QC，但當然會有人有方法得到呢批已棄用嘅模具再去生產，從而有另一款嘅翻模出現。
而正常一個原模模具製作GK嘅件數會有上限，舉例廿隻咁計，就唔可以再用，因為其後嘅精細度會過唔到QC，但當然會有人有方法得到呢批已棄用嘅模具再去生產，從而有另一款嘅翻模出現。
